Ракометарите на Охрид под полна пареа се подготвуваат за првата пресметка од двомечот од 1/8 финалето од ЕХФ Европскиот Куп против Дукла Прага, која ќе се одигра оваа сабота од 18 часот во „Билјанини извори“.
Екипата работи интензивно на тренинзите, со цел да биде подготвена за дуелот со чешкиот тим. Сите ракометари се подготвени да го дадат максимумот на теренот, а домашната публика ќе биде дополнителен фактор и осмиот играч на теренот во ,, Билјанини Извори”.
Охрид влегува во дуелот со Дукла Прага со големи амбиции, а натпреварот во сабота ќе покаже дали подготовките, трудот и амбициите ќе се трансформираат во значајна европска победа. Веќе следниот викенд ќе биде одигран и реваншот во Чешка.
