Второлигашот Каменица Саса се засили со Кристијан Чурлинов и Аљмир Цаколи. Двајцата веќе стапија потписи на договори со тимот од Македонска Каменица.
24-годишниот Чурлинов доаѓа од редовите на Шкендија Арачиново, а тој е всушност повратник во тимот од Македонска Каменица, а низ неговата кариера има настапувано за Тетекс, Силекс, Скопје, Работнички, Брегалница и Вардар од каде и ја започна кариерата.
Цаколи, кој има 22 години, исто така доаѓа од Шкендија Арачиново, а претходно беше дел од Арсими, БВК Коњаре и Шкупи.
Каменица Саса во недела ќе ја одигра „генералката“ против Борец во Велес, а пролетниот дел во Втора лига го отвара против Осогово во Кочани.
