Фудбалската федерација на Македонија ја информира јавноста дека од понеделник (11. ноември) започнува продажбата на билетите за натпреварите на Македонија со Летонија и Фарски Острови од Лигата на нации.
Цената на билетите за натпреварите изнесува 200 и 400 денари односно на јужната и северната трибина цената ќе биде 400 денари, додека пак на запад и исток цената на билетот ќе изнесува 200 денари.
Продажбата на билети за натпреварите Македонија – Летонија и Македонија – Фарски Острови ќе се организира преку продажната мрежа на MKTickets.
Натпреварот против Летонија се игра на 14. ноември (четврток) од 20:45 часот, додека пак против Фарски Острови се игра на 17. ноември (недела) од 15 часот.
