Ставре Јада денеска го имаше својот прв настап на Зимските олимписки игри, што воедно е негово трето учество на најголемиот спортски настан во светот.
Македонскиот нордиски скијач настапи на трката во спринт на патека долга 1.6 километри, која ја заврши со време од 3:59.56 минути. Со остварениот резултат, Јада го освои 89. место во конкуренција на вкупно 95 пријавени натпреварувачи. Еден од скијачите беше дисквалификуван, а еден не успеа да ја заврши трката.
Јада заостана 52 секунди зад победникот, Норвежанецот Јоханес Клебо.
За македонскиот олимписки претставник нема многу време за одмор, бидејќи веќе за три дена повторно ќе настапи на патеката. Јада ќе се натпреварува во дисциплината на 10 километри, каде ќе има нова можност за подобар резултат и уште едно достојно претставување на Македонија на Зимските олимписки игри.
