Некогашниот младински репрезентативец на Македонија, Фитон Адеми го засили косовскиот Лапи. 23-годишниот напаѓач го прави својот прв интернационален трансфер, а во косовскиот тим доаѓа од редовите на македонскиот шампион Шкендија.
Претходно, Адеми настапуваше за Беса од Добри Дол, Воска Спорт, Струга Трим Лум и Тетекс од каде и ја започна кариерата. Минатата сезона Адеми со Шкендија ја освои шампионската титула во Првата македонска фудбалска лига.
Новиот тим на Фитон Адеми се наоѓа на седмото место во косовската Суперлига со 21 бод на своето конто, пролетниот дел во косовскиот шампион започнува овој викенд, а Лапи ќе гостува кај тимот на Дреница кој е место подолу на табелата со бод помалку.
Во пролетниот дел Фитон Адеми ќе треба да помогне Лапи да има што подобар пласман на табелата.
