Второлигашот Осогово закажа пријателски натпревар со прволигашот Вардар, кој ќе послужи како проверка за пролетниот дел од сезоната, а притоа истиот ќе има хуманитарен карактер.
Натпреварот ќе се одигра на 7 февруари, на градскиот стадион во Кочани, кој ќе започне во 14 часот.
„Овој натпревар има хуманитарен карактер и се организира во чест и сеќавање на трагичниот настан од 16 март. Сите собрани средства ќе бидат наменети за изградба на спомен-обележје – како траен симбол на почит и сеќавање“, истакнаа од кочанскиот второлигаш.
