Ракометарите на Бутел Скопје ја забележаа втората контролна победа пред продолжението на сезоната во Суперлигата, потврдувајќи дека се подготвени за предизвиците што следат.
На вториот пријателски дуел пред стартот на официјалните средби, избраниците на тренерот Горан Кузманоски го совладаа градскиот ривал Пролет со резултат 34-27. На паузата, Бутел водеше со тесни 18-16, но во продолжението успеа да ја зголеми предноста и да стигне до убедлива победа.
Сите расположиви играчи добија шанса за настап, вклучувајќи ги и младите ракометари, кои го искористија моментот за да се покажат пред тренерскиот тим.
Следниот предизвик за Бутел е утрешниот трет и последен пријателски натпревар, кој ќе го одиграат против српскиот Железничар Ниш, со цел да ја заокружат подготовката пред официјалните дуели во Супер лигата.
Бутел Скопје го потврдува добриот ритам и се движи кон плеј-офот, додека Пролет ќе мора да се бори за опстанок во елитната конкуренција оваа сезона.
