Во сабота ќе се одржи деветтото издание на турнирот во сала „св. Атанасиј Велики“ во кочанско Оризари, во организација на фудбалскиот клуб Младост Тошев од Оризари.
Учество ќе земаат четири екипи од генерација 2015, покрај домаќинот Младост Тошев, ќе учествуваат екипите на Осогово, Фудбал Старс и Атлетико 2021.
Турнирот ќе се одигра на 31 јануари (сабота) со почеток од 11 часот во спортската сала Оризари.
Спортска Мрежа за првпат медиумски ќе го поддржи овој спортски настан, кој со години наназад негува убава традиција и претставува одлична можност за промоција на младинскиот фудбал и спортскиот дух кај најмладите.
