Со натпреварите од првото коло на плеј-офот односно плеј-аутот започна вториот дел од шампионатот во Првата одбојкарска лига во машка конкуренција.
Екипата на Сушево немаше сили освојувачот на Купот Штип УГД кој без проблеми со 3-0 во сетови победнички ја започна 2026 година во битката за освојување на шампионската титула.
Во сите три сетови штипјани доминираа. Првиот сет момците на Кристиан Ристески го добија со убедливи 25:15, вториот со 25:14, а пак третиот со превисоки 25:13.
ГОК Борец триумфираше над Работнички на гостински терен славејќи со 1-3. Првиот сет му припадна на гостинот од Велес кој беше подобар со 16:25, а веќе во вториот сет скопскиот тим израмни на 1-1 во сетови откако истиот го доби со 25:20.
Во третиот сет велешани беа убедливи со 15:25, а пак во четвртиот беа подобри со 20:25 за конечни 1-3 во сетови.
Натпреварот меѓу шампионот Струмица и Универзитет во Тетово е одложен и ќе се одигра во нов термин.
Што се однесува пак до плеј-аутот, таму беа забележани две убедливи домашни победи. Лирија со 3-0 во сетови ја доби Јанта Волеј (25:16, 25:14 и 25:18).
Шкендија беше пресилна за Скопје славејќи, исто така со 3-0 во сетови (25:17, 25:11 и 25:21).
Натпреварот меѓу Македонија Џио и Весна Пробиштип беше одложен и истиот ќе се одигра во нов термин.
