Второлигашот Шкендија Арачиново го претстави своето четвртото зимско засилување, се работи за Сухејб Рушити, кој доаѓа од редовите на Слога Виница.
Дефанзивниот играч од средниот ред ќе биде големо освежување во тимот на Љупчо Марковски – Калц, а притоа и ќе претставува големо засилување.
Низ својата кариера 25-годишникот беше дел и од Детонит Плачковица, Гостивар, Скопје, Вардар Форино, Шкупи и Металург.
Претходно, како што веќе објави Спортска Мрежа, Шкендија Арачиново се засили со голманот Антонио Столевски, кој исто така пристигна од Слога Виница, Владимир Жоглев од Осогово, како и Махир Ајрули од Каменица Саса, а како што ексклузивно објави Спортска Мрежа, замина Александар Ѓорѓиески кој кариерата ќе ја продолжи во нова средина.
