Нови заминувања од редовите на Беласица, во пролетниот дел дресот на струмичката фудбалска гордост нема да го носат Марио Наумоски, Стефан Секирски и Максим Цониќ, дознава Спортска Мрежа.
Тројцата фудбалери во пролетниот дел ќе настапат во нови средини, а ова го отвара прашањето како Беласица ќе се екипира и дали ќе носи соодветни засилувања со цел да ги напаѓа позициите за Прва лига?
Претходно како што објави ексклузивно Спортска Мрежа редовите на Беласица ги напушти најдобриот стрелец од есенскиот дел Бојан Спиркоски.
17-годишниот Секирски кој важи за голем талент во Беласица пристигна од редовите на Пелистер, а претходно беше дел од младинските категории на фудбалските школи Талент 2010 и Форца Спорт.
Цониќ кој има 19 години во Беласица дојде од редовите на кратовски Силекс, а беше дел од младинските категории на Работнички и Вардар каде и ги направи првите фудбалски чекори.
Според информациите на Спортска Мрежа и 25-годишниот Наумоски ги собира куферите од Струмица и заминува во нова средина. Наумоски пред почетокот на оваа сезона пристигна од Македонија ЃП, беше дел од Пелистер, Победа, Брегалница, Металург и Кожуф.
Беласица презимува на четвртото место со 31 бод, пет помалку од есенскиот шампион Охрид кој има 36 бодови, но заминувањето на овие играчи го отвара прашањето како Беласица ќе се засилува оваа зима и како ќе ги напаѓа позициите за Прва лига?
