Есенскиот шампион во Втората лига, тимот на Охрид за пролетната полусезона во која ќе води битка за влез во Прва лига се засили со Давор Серафимов.
Станува збор за 20-годишен фудбалер кој настапува на бековски позиции, а меѓу „рибарите“ доаѓа од редовите на прволигашот Шкупи.
Низ својата кариерата покрај за Шкупи има настапувано и за Вардар и Металург. Новиот „рибар“ е младински репрезентативец на Македонија со околу 20 настапи.
Претходно, како што објави Спортска Мрежа, Охрид се засили со Благоја Спиркоски од Кожуф, а раководството на клубот успеа да го сочува целиот тим од пролетниот дел.
Охрид е лидер во Втората лига со 36 бодови, еден повеќе од Шкендија Арачиново која е втора, а „рибарите“ пролетниот дел го отвараат во Струмица против Беласица.
