ГФК Охрид Лихнидос го најави своето ново засилување, искусниот фудбалер Благоја Спиркоски, кој доаѓа од редовите на ФК Кожуф од Гевгелија. Спиркоски е играч со богато искуство на средината на теренот и се очекува да донесе стабилност, креативност и лидерство во редовите на охридскиот второлигаш.
Во својата кариера, Спиркоски има остварено над 150 настапи во ПМФЛ, настапувајќи за неколку познати македонски клубови како ФК Кожуф, Победа, Македонија ЃП, Пелистер, Гостивар и Тиквеш. Неговото искуство и присуство на теренот ќе бидат клучни за тимот во борбата за врвот на табелата и во амбициите за враќање во прва лига.
Раководството на ГФК Охрид Лихнидос изрази голема доверба во Спиркоски, истакнувајќи дека неговото знаење и професионален пристап ќе имаат позитивно влијание врз помладите играчи во тимот, но и врз целокупната игра на екипата.
Со оваа трансфер акција, ГФК Охрид Лихнидос јасно покажува дека има амбиции да се засили и да се натпреварува на високо ниво, со цел да обезбеди подобри резултати и повисок пласман во Втората лига. Во следниот период се очекуваат уште нови засилувања во тимот.
