Играчот од среден ред Метин Ќерими ќе има нов клуб за вториот дел од сезоната, откако како што дознава Спортска Мрежа 23-годишникот сака да го промени клубот и да има нов предизвик во својата кариера.
Тој во Вардар Неготино пристигна на почетокот од актуелната сезона од редовите на прилепска Победа, а по шест месеци Ќерими би можел да продолжи во нив клуб.
Во досегашниот тек од неговата кариера, тој покрај за тимот од Неготино и Прилеп, настапуваше и за Шкендија Арачиново, БВК Коњаре, за некогашниот второлигаш Братство до Житоше, Воска Спорт ,Братство Влазними и Скопје.
Инаку, Ќерими и претходно го носеше дресот на Вардар Неготино исто така една полусезона во период од август 2024 до јануари 2025 година.
