Бојан Спиркоски ќе има нов клуб во својата кариера, откако одлучи да се раздели со Беласица, откако во второлигашот од Струмица помина шест месеци односно настапуваше во есенската полусезона.
30-годишниот Спиркоски може да покрие повеќе позиции во нападот, како и во офанзивниот дел од средниот ред. Во Беласица пристигна од редовите на битолски Пелистер, а претходно во неговата богата кариера беше дел и од Победа, Силекс, Велешта, 11-ти Октомври, Брегалница, Хоризонт Турново, додека пак на меѓународната сцена беше дел од чешките екипи Јихлава и Сокол Брозани.
Спиркоски во дресот на Беласица постигна десет погодоци и со тоа беше најдобар стрелец на струмичкиот второлигаш, а воедно и беше меѓу најдобрите стрелци во Втората лига за есенскиот дел.
