Екипата на Дим Метал од Неготино е победник на турнирот во мал фудбал „Стојаково 2025“, откако во големото финале славеше со убедливи 8:3 над Пицерија Дивино од Босилово.
Фуриозен меч за тимот од Неготино кој беше фантастичен во текот на целиот меч и ги доби популарните „пици“ од Босилово, кој овој пат нема сили за расположението противник и буквално „изгореа“ во високиот пораз и пред многубројната публика.
Во малото финале или во мечот за трето место беа постигнати исто така голем број на погодоци, вкупно десет, за славје на Електро Петар над Баламов Компани од 3:7.
Најдобар играч беше Димитар Чоков од екипата на Дим Метал, додека пак Илија Јанкулов беше прогласен за најдобар голман на турнирот.
Победникот освои фантастични 180.000 денари, второпласираниот тим освои 100.000 денари, а пак третопласираниот тим се „почести“ со парична награда од 60.000 денари, а 30.00 денари доби четвртопласираниот тим.
Фантастична атмосфера, месец исполнет со добри натпревари, полна трибина, публика која даваше силна поддршка со одлично навивање, многу погодоци, пресврти, порази за елиминации и победи за секој наредна фаза – успешно заврши турнирот во мал фудбал „Стојаково 2025“ со неверојатна организација.
Спортска Мрежа по првпат беше медиумски покровител на овој турнир во мал фудбал, за што искрено сме горди на соработката и фактот што се помина во најдобар ред на самиот терен во Стојаково.
