Вистинска драма и возбудувања понудија четвртфиналните натпревари кај сениорите на турнирот во мал фудбал „Стојаково 2025“, каде што публиката уживаше во борба за секоја топка, атрактивни потези и многу голови.
Во еден од највозбудливите дуели, Алупласт Васил Јосифово и Електро Петар одиграа меч полн со темпо и шанси, но екипата на Електро Петар покажа поголема конкретност и со победа од 2:4 обезбеди пласман меѓу најдобрите четири.
Во вториот четвртфинален натпревар немаше дилеми – Баламов Компани одигра доминантно и со убедливи 11:1 го елиминираше тимот на Еклер Транс, испраќајќи јасна порака дека сериозно атакува на трофејот.
Четвртфиналната фаза донесе емоции, радост, но и разочарување поради елиминацијата, а турнирот „Стојаково 2025“ уште еднаш покажа дека е вистински спортски спектакл.
Спортска Мрежа по првпат медиумски го поддржува турнирот во мал фудбал „Стојаково 2025“.
