Во пресрет на новогодишните и божиќните празници, управата на клубот и годинава ја продолжи убавата традиција и организираше Новогодишно дружење со Дедо Мраз за најмладите членови на клубот.
Настанот се одржа во СЦ „Пандев“, каде што дечињата – фудбалерчиња од генерациите 2013 до 2020 година имаа можност да се фотографираат со Дедо Мраз и да добијат новогодишни пакетчиња. Радоста и насмевките беа присутни на секој чекор, а празничната атмосфера го исполни спортскиот центар.
Новогодишни подароци добија и најмладите девојчиња од ЖФК Брера Тиверија, со што уште еднаш беше испратена силна порака за еднаква поддршка и внимание кон сите млади спортисти.
Ова традиционално дружење се организира секоја година со цел да се поттикне другарувањето, спортскиот дух и меѓусебната поврзаност меѓу најмалите фудбалери, но и со младите спортисти од други клубови.
Вкупно околу 400 дечиња добија новогодишни пакетчиња од Дедо Мраз, а од клубот беше упатена искрена желба за многу здравје, радост и спортски успеси во 2026 година.
Спортот и другарувањето остануваат во срцето на оваа празнична приказна.
