Вечерва се одиграа нови четири натпревари на турнирот во мал фудбал „Стојаково 2025“, каде одново покрај многубројната публика имаше и голем број на погодоци.
Кај јуниорите во генерација 2012/2013 Mild Home Store со 7:0 го декласираше Кирил И Методиј, а пак во генерација 2010/2011 Mild Home Store загуби со 1:4 од Фавела Бојс.
Кај сениорите оваа вечер припадна на тимот на Порта ЕУ – Freight One, радовишани на првиот меч беа подобри со 8:1 од Лион, а на вториот меч со 3:7 славеа над Еклер Транс.
Утре одново четири натпревари во стандардни термини – од 18 часот јуниори генерација 2014/2015 Диана Шпед против Дроне Транспорт, а пак половина час подоцна во генерација 2012/2013 Уни Глобал против Дојранско Езеро.
Во сениорска конкуренција од 19 часот Џокер Фурка на мегдан против Десива Транспорт од Богданци, а 45 минути подоцна Такси Ага против Баламов Компани.
Спортска Мрежа годинава по првпат е медиумски покровител на овој спортски настан.
