Четири погодоци беа постигнати попладнево во Гевгелија, за реми од 2:2 на Кожуф и Вардар Неготино и поделба на бодовите, во мечот од 15. коло на Втора лига.
Повеќе од јасно е дека стратегот Иван Варадиновски нема да е задоволен со бод, бидејќи Кожуф ќе презими како деветти на табелата или во бараж зоната, а пак тимот од Неготино доаѓа до вреден бод во жилавата борба која ја води за опстанок во Втората лига.
Домашните прокоцкаа два гола предност откако Веби Ислами во 16. минута го отвори резултатот за водство на Кожуф, а по дваесетина минути игра Аљбан Мемеди погоди по одлично нафрлена топка од корнер за 2:0.
Во финишот на мечот водата на теренот направи до некаде проблем, а одбраната на Кожуф потфрли и прими гол за 2:1 на полувреме, откако погоди Душан Павлов.
Во вториот дел голема грешка направија фудбалерите на Кожуф, речиси му поклони гол за бод на Вардар Неготино, а тука лесно Оливер Тодоров ја смести топката во мрежата на Борче Картон кој беше немоќен да интервенира во 66. минута за конечни 2:2.
- СИТЕ ПОГОДОЦИ ОД МЕЧОТ КОЖУФ – ВАРДАР НЕГОТИНО:
