В недела ќе се решат сите дилеми за тоа кој ќе биде есенски шампион во Втората лига. Сите погледи ќе бидат насочени кон Виница каде ќе се игра мечот меѓу Слога и Охрид.
Ако популарните „рибари“ ја добијат Слога во Виница, тогаш Охрид ќе биде есенски шампион во Втора лига, со 36 бодови, бод повеќе од Шкендија Арачиново која би била втора со 35 бодови, а пак Брегалница со 33 бодови ќе биде трета.
Но, Охрид ќе има можност за двојно славје – покрај есенски шампион „рибарите“ може да го имаат и најдобриот стрелец за есенската полусезона.
Иван Глигоров се израмни на врвот од листата на најдобри стрелци заедно со Виктор Ангелов од тимот на Скопје со по 12 бодови.
В недела ако Глигоров постигне барем еден гол ќе биде осамен на врвот како најдобар стрелец, а што повеќе голови толку поголеми шанси да биде најдобар стрелец за есенската полусезона, бидејќи Скопје на 12 декември ќе игра против Детонит Плачковица во Радовиш, па така Виктор Ангелов ќе има можност за погодоци и со тоа да се бори да биде најдобар стрелец во Втората лига за есенската полусезона. 21-годшниот Глигоров во Охрид пристигна од Штип Брегалница, а беше дел и од португалски Национал.
Трет најдобар стрелец е Андреј Симевски, фудбалерот на Каменица Саса постигна 11 гола, а пак Бојан Спирокоски за Беласица постигна десет гола, додека пак Стефан Јовановски постигна девет гола за Новаци.
Ќе има ли двојно славје во Виница – Охрид е пред можноста да биде есенски шампион и да го добие најдобриот стрелец во Втората лига.
