Новоформираната фудбалска репрезентација на Македонија до 20 години, предводена од селекторот Александар Таневски, на 3 декември ќе го одигра својот прв контролен натпревар. Дебитантскиот меч ќе се игра на гостински терен, во Шан (Лихтенштајн), со почеток од 18:30 часот.
Таневски го објави списокот на повикани фудбалери, кој го сочинуваат комбинација од таленти од домашното првенство и интернационалци што настапуваат во странство.
Љупче Џеков (Силекс), Давид Илоски (Брера), Никола Филевски (Брегалница)Адис Мурати (Башкими), Андреј Велков (Брера), Мичо Поповски (Вардар), Виктор Делoв (Брера), Димитар Данев (Вардар), Давид Матески (Силекс), Армир Иса (Скопје), Никола Величковски (Брера), Андреј Стојановски (Скопје), Тео Сандев (Моторлед Прага), Игли Хасани (Работнички), Шабан Мемети (Арсими)Харун Незировски (Хелсингборг), Илир Шерифи (Неуминстер), Сејдо Дураков (Рот-Вајс Ерфурт), Илија Масларов (Лугано), Аган Сулимани (Башкими), Марко Стојилевски (Брера), Нуман Ајетовиќ (Шкендија).
Македонија U20 со овој дуел го започнува новиот циклус подготовки и селектирање на играчи што во следните години ќе претставуваат база за повозрасните младински категории и за А-селекцијата.
