Македонската женска фудбалска репрезентација до 19 години ја обезбеди третата победа на квалификацискиот турнир (Рунда 1, Група Б5) за Европското првенство на УЕФА и со тоа го потврди доминантното прво место и пласманот во следната фаза.
Фудбалерките на селекторот Кирил Изов на решавачкиот дуел одиграа 1:1 против Словенија, резултат кој беше доволен да го задржат врвот на табелата и да обезбедат продолжување на квалификациите. Словенија поведе во 35. минута преку Шпела Гербец, но Македонија одговори само пет минути подоцна со единствениот погодокот на Меланија Грозданова кој вредеше злато и билет за Лига А.
На турнирот, нашите млади фудбалерки блеснаа со победите над Грузија (3:0) и Азербејџан (3:1), покажувајќи стабилност, квалитет и тимски дух.
Македонија U19:
1Комненова, 4. Крстева, 5. Додевска (88’ Каралиоска), 6. Коловска (61’ Симјанова), 7. Грозданова, 8. Величкова, 9. Митковска (90’ Ристевска), 10. Галабовска, 11. Попески (61’ Боризоска), 15. Емини, 16. Панева
Селектор: Кирил Изов
