Четири фудбалери веќе ја завршија 2025 година – нема да настапат на натпреварите од последното есенско коло.
Голгетерот Сашо Дуков ја затвори 2025 година, поради акумулирани пет жолти картони го пропушта последниот есенски натпревар, тоа значи дека стратегот Горан Здравков нема да може да смета на искусниот фудбалер за мечот против Скопје, кој е одложен за 3. декември.
Каменица Саса за мечот против Шкендија Арачиново нема да може да смета на Марио Аџијев, а пак Тимот од Арачиново за дуелот против „рударите“ останува без услугите на Јусуф Каба.
Беласица во последното коло против Преспа ќе настапи против Марио Дебрешлиоски.
Овие четири фудбалери поради пет жолти картони го пропуштаат последното есенско коло, односно нема да настапат во рамки на 15. коло, па за нив одморот започна.
Листата со акумулирани четири жолти картони е голема, а тоа значи дека многу фудбалери се по прашалник, доколку добијат жолт картон кој би бил петти, тогаш многумина од нив може првото пролетно коло да го пропуштат.
