Репрезентативниот среден блокер Филип Маџунков по една сезона во матичниот клуб Струмица 47&72 повторно се враќа на интернационалната сцена. Тој потпиша договор со познатиот белгиски тим Лувен, со кој ќе соработува до крајот на сезоната. Маџунков ќе биде значајно засилување за екипата, како во белгиското првенство, каде Лувен во моментов се наоѓа на втората позиција, така и во ЦЕВ Лигата на шампионите.
Во групната фаза од Лигата на шампионите, Лувен ќе се соочи со силни ривали – италијански Лубе Цивитанова, француски Монпеље и полска ПГЕ Варшава. Маџунков денеска официјално ќе се приклучи на тренинзите на тимот и се очекува да дебитира за својот ново-стар клуб веќе во текот на престојниот викенд.
Средниот блокер ја започна својата кариера во Струмица, настапувал и за Вардар, а интернационалниот дел од кариерата го гради со настапи во првенствата на Црна Гора, Италија, Германија, Хрватска, Полска и сега повторно во Белгија. Неговото искуство и квалитет сигурно ќе бидат клучни за амбициите на Лувен оваа сезон
