Македонската женска репрезентација до 19 години предводена од селекторот Кирил Изов убедливо славеше против врсничките од Грузија во натпреварот од првото коло од квалификацискиот турнир, рунда 1, група Б5, за Европско првенство на УЕФА за жени.
Нашата селекција ја победи Грузија со 3:0. Емили Митковска во 32. минута го постигна водечкиот гол за Македонија. По пет минути игра во второто полувреме, Меланија Грозданова ја удвои предноста за нашата репрезентација, а Калина Попески во 82. минута го постигна конечниот резултат.
Фудбалерките на Кирил Изов упатија дури 13 удари кон противничкиот гол.
Словенија со 2:0 славеше против Азербејџан на вториот меч од групата. Во второто коло од турнирот, Македонија ќе се соочи со репрезентацијата на Азербејџан. Натпреварот ќе се одигра на 28. ноември во 12:00 часот на стадионот „Младост“ во Струмица.
