Македонските фудбалски судии добиваат ново признание од УЕФА. Судиска тројка од Македонија, предводена од главниот судија Влатко Илиоски од Прилеп, ќе ја дели правдата на натпреварот меѓу ФЦСБ и Пушкаш Академија во рамките на младинската Лига на шампиони, кој ќе се игра во Романија.
Асистенти на Илиоски ќе бидат Иле Мишески од Прилеп и Мартин Дејаноски од Кичево. Четврти судија на мечот ќе биде Романецот Влад Бабан.
Натпреварот е закажан за утре од 16:30 часот, а македонскиот судиски тим ќе има значајна улога на овој дуел од младинската Лига на шампиони.
Ова ново назначување претставува уште една потврда од УЕФА за професионалноста, континуитетот и квалитетот на македонските судии, кои сè почесто добиваат шанса да судат важни меѓународни натпревари со голема тежина за клубовите.
