Вардар Неготино зад себе има успешна есенска полусезона со две младински категории – стана есенски шампион во Трета помлада пионерска лига Исток и во Трета пионерска лига Исток.
Многу труд, работа, залагање и посветеност и дисциплина на младите фудбалери под водство на тренерите Илија Стојанов и Велимир Смилков.
Вардар Неготино во Третата помлада пионерска лига запиша седум победи, едно реми и еден пораз, со 22 бодови заврши на првото место, Малеш од Берово е втор со 21 бод, но има меч повеќе, а пак трет е Осогово со 16 бодови. Во Третата пионерска лига екипата на Вардар Неготино е есенски шампион со 21 бод на своето конто, учинок од седум победи и два порази, а втор е Осогово, со тоа што тимот од Кочани има меч повеќе а има 17 бодови.
Тренерите за Спортска Мрежа едногласно – задоволни од залагањето и посветеноста на фудбалери, велат има простор за напредок.
„Лично како тренери секако дека сме задоволни од залагањето на нашите играчи како на тренинг, така и на натпреварите. Секако дека има простор да напредуваат, треба работа и само работа со тоа доаѓаат и резултатите.“
Пред фудбалерите сега е заслужен одмор, а потоа ќе следуваат подготовките за пролетниот дел од сезоната со цел да се повторат овие одлични резултати и во пролетниот дел, а со тоа Вардар Неготино да биде шампион во овие две натпреварувања.
