Победа Валандово без пораз стана есенски шампион во Третата македонска фудбалска лига – Исток, а пак Ударник од Пирава заврши на второто место со три бода помалку, а единствениот пораз е токму од Победа.
Градоначалникот на Валандово, Ѓоко Камчев, им честиташе на двете екипи за одлични резултати, истакна дека како општина ќе продолжат системски да го поддржуваат развојот на фудбалот, инфраструктурата и спортските програми.
„Голем ден за фудбалот во општина Валандово, Победа есенски шампион, Ударник вицешампион во Третата фудбалска лига – Исток. Честитки за Победа Валандово за есенската титула со импресивни 9 победи, без ниту еден пораз, како и до ФК Ударник, нареди 8 победи и заслужено се искачи до втората позиција во Третата фудбалска лига – Исток. Овие резултати претставуваат значаен момент за општинскиот спорт и јасно покажуваат дека фудбалот во Валандово повторно се гради на стабилни основи, со дисциплина, работа и вложување во млади играчи. Како општина, ќе продолжиме системски да го поддржуваме развојот на фудбалот, инфраструктурата и спортските програми, со цел да обезбедиме уште подобри услови за нашите клубови и спортските таленти. Горди сме на успехот на Победа и Ударник. Ова е силен чекор напред за спортот во нашата општина“, рече градоначалникот Камчев.
Пролетниот дел во Трета лига – Исток започнува во месец март 2026 година.
