Победа Валандово е страшна – млад тим со најдобар напад и одбрана, Ударник и Овче Поле со одлични резултати!

Победа Валандово е есенски шампион во Третата македонска фудбалска лига – Исток без ниту еден пораз со девет победи и само едно реми, на своето конто има 28 бодови, но Победа која го има најмладиот тим доминира и со својот напад кој реализираше 33 погодоци, но ја имаше и најдобрата одбрана која прими осум гола.

Во Валандово се врати фудбалот – дефинитивно најзаслужен за тоа е претседателот на ОФС Валандово, Сашко Бајлозов, човек кој остави длабока трага во мак-фудбалот како фудбалер, а сега покажа дека фудбалот му е во срцето и живее за него. Победа се врати на фудбалската карта, а се врати и Општинската фудбалска лига.

Во пролетниот дел сигурно е дека Победа Валандово ќе сака потврда на одличните резултати и освојување на шампионската титула и обезбедување на бараж за Втора лига.

Одлични резултати во есенскиот дел имаат и Ударник од Пирава и Овче Поле од Свети Николе. Тимот од Пирава заврши на второто место со 25 бодови, три помалку од лидерот Победа, а токму Ударник го има единствениот пораз од Победа, а пак Овче Поле е трет со 22 бодови.

Во продолжение погледнете ја табелата и како одиграа третолигашите на Истокот, на дното е Дојранско Езеро со четири бодови колку што има и Светлост од Зрновци, со тоа што овој тим остана единствениот кој не се израдува на триумф.

Во следниот период Спортска Мрежа подготвува детална анализа, разговори и најавува ексклузивни информации за Трета лига – Исток, засилувања и трансфери, амбиции и планови, финансии и многу други теми.