Превалец го доби дербито со Ултас од 11. коло на Трета лига – Југ со резултат од 1:2 и дома се враќа со три бодови, со кои избива на врвот од табелата.
Тежок и борбен меч, одлично прво полувреме, со послабо второ на гостинот, од трите бодови се обезбедени. По само 14 минути игра Превалец имаше 0:2 со погодоците на Кристијан Маневски и Давид Секуловски.
Во вториот дел Ултрас се обидуваше да се врати, Бобан Тошески во 75. минута намали на 1:2, но до крајот немаше погодоци, па резултат стана конечен.
Бучин со минимални 0:1 го доби Влазними Јуниор на гостински терен, благодарение на голот на Маринко Јованоски, кој погоди во 67. минута, а две минути претходно голманот Лавдрим Изеири заработи директен црвен картон, со што домаќинот беше со играч помалку до крајот.
Мартин Деркоски е херој на Младост од Кривогаштани, со неговиот гол беа обезбедени трите бодови во дуелот со Тополка, откако беше заврши со 0:1.
Со двата гола на Бојан Миланов екс второлигашот Росоман славеше над Млекар со 2:1. За гостинот во 70. минута погоди Боби Ачкоски.
Питу Гули „киксна“ на гостување во Долни Дисан, каде беше поразен од домаќинот Венец со 2:1. Александар Трајков во 11. минута го отвори резултат за 1:0, а во 45. минута Ѓорѓи Стрезовски погоди за 1:1 на полувреме.
Во вториот дел домашните преку голот на Жарко Донев стигнаа до 2:1 и три бода.
Во Чашка беа постигнат осум гола – домаќинот Башкими од Јаболчиште со 7:1 го доби Дреново. Семир Имеров постигна пет гола за неговиот тим, а по еден гол во вториот дел постигнаа Адмир Азизов и Бесар Скендеров.
За гостинот единствен стрелец во 24. минута беше Роналдо Фазлиов.
| Поз. | Клуб | ОН | Поб | Н | Пор | ПОС | ПРИ | ГР | БОД | Δ |
|---|---|---|---|---|---|---|---|---|---|---|
| 1 | ФК ПРЕВАЛЕЦ | 10 | 8 | 1 | 1 | 38 | 7 | +31 | 25 | ➖ |
| 2 | ФК БОРЕЦ 1919 АД | 10 | 8 | 1 | 1 | 33 | 6 | +27 | 25 | ➖ |
| 3 | ФК УЛТРАС | 11 | 6 | 1 | 4 | 38 | 21 | +17 | 19 | ➖ |
| 4 | ФК РОСОМАН-83 | 10 | 5 | 3 | 2 | 22 | 18 | +4 | 18 | ➖ |
| 5 | ФК ПИТУ ГУЛИ | 10 | 5 | 2 | 3 | 22 | 11 | +11 | 17 | ➖ |
| 6 | ФК ВЕНЕЦ с.Долни Дисан | 10 | 5 | 1 | 4 | 18 | 19 | -1 | 16 | ➖ |
| 7 | ФК МЛАДОСТ 1930 | 10 | 5 | 0 | 5 | 19 | 33 | -14 | 15 | ➖ |
| 8 | ФК Влазними Јуниор | 10 | 4 | 1 | 5 | 17 | 22 | -5 | 13 | ➖ |
| 9 | ФК Бучин | 10 | 3 | 3 | 4 | 12 | 20 | -8 | 12 | ➖ |
| 10 | ФК БАШКИМИ 2008 | 10 | 2 | 3 | 5 | 17 | 15 | +2 | 9 | ➖ |
| 11 | ФК ТОПОЛКА | 10 | 2 | 2 | 6 | 7 | 22 | -15 | 8 | ➖ |
| 12 | ФК МЛЕКАР | 10 | 2 | 1 | 7 | 12 | 26 | -14 | 7 | ➖ |
| 13 | ФК ДРЕНОВО 2016 | 9 | 0 | 1 | 8 | 8 | 43 | -35 | 1 | ➖ |
| 14 | ФК СЛОГА 1976 | 0 | 0 | 0 | 0 | 0 | 0 | 0 | 0 | ➖ |
