Македонија доживеа тежок пораз во Кардиф од Велс, откако загуби со 7:1 со што завршивме на третото место во нашата група, а тоа значи и потежок меч за пласман на Светското првенство 2026 преку квалификациите од Лига на нации каде ќе имаме потешки противници.
По големиот пораз, селекторот Благоја Милевски го коментираше натпреварот и големиот пораз од Велс во Кардиф.
„После ваков натпревар и ваков резултат останува да му честитам на Велс. Не успеавме да одговориме на нивниот квалитет. Одговорноста е моја, секако дена не ни е сеедно на сите нас, ме боли овој пораз, дај Боже ваков резултат да имам на две години по петнаесет натпревари. Честитки и за моите фудбалери, за тоа што го направија во овие квалификации, се надевам ќе бидат поконкурентни во нивните клубови. Не одговоривме соодветно на индивидуалниот квалитет на противникот и на нивната агресивност, кога не можеме да бидеме на тоа ниво нема за што да жалиме, не бевме на нивото од претходните натпревари, не се доведува филозофијата на играта, таа беше иста како и на претходните натпревари“, вели селекторот Милевски по големиот пораз од Велс во Кардиф.
