Македонската женска кошаркарска репрезентација ќе влезе со една измена во составот за вечерашниот квалификациски меч против Грција, кој од 18:00 часот ќе се игра во салата „Кале“. Селекторот Александар Ашаданов одлучи да ја вклучи Теа Трајковска во финалните 12, како дел од планот да се засили играта под кошевите.
Оваа промена е направена согласно стилот и физичката предност на грчката селекција. Трајковска ќе биде дел од внатрешната линија покрај Мерит Хемпе, Ивана Кметовска и сестрите Матеа и Милица Николиќ – сектор кој ќе има клучна улога во вечерашното дерби.
Во составот место нема Јана Пислевска, која и понатаму останува со тимот, исто како и Мартина Маркоска. Македонската репрезентација влегува мотивирано во двобојот, со јасна намера да дојде до позитивен резултат и да остане во трка за Евробаскет 2027.
