Овој викенд ќе бидат одиграни натпреварите од 6. коло на Втората женска фудбалска лига, а веќе се познати и судиите кои ќе ја делат правдата на истите.
Колото се отвара со натпреварот меѓу Слободен и фаворитот Порече. Главен судија ќе биде Нинослав Нанков, а негови помошници ќе бидат Татјана Ивановска и Ангела Милановска.
Контролор на средбата ќе биде Никола Божиновски, а натпреварот ќе започне во 15 часот.
В недела во Велес екипата на Борец ќе игра со апсолутниот фаворит Билјанини Извори од Охрид. Јована Максимова ќе дели правда, а нејзини помошници ќе бидат Тамара Астарџиева и Теодора Крстевска.
Зоран Стефанов ќе биде контролор на средбата, која ќе стартува во 11 часот.
Колото се затвара со натпреварот меѓу Плачковица и Конзули, каде гостинот од Битола ќе биде голем фаворит. Правдата на овој натпревар ќе ја дели Александра Спасова, а помошници ќе бидат Николче Симонов и Дејан Спасов.
Златко Зафиров ќе биде контролор, а стартот на натпреварот е закажан за 15 часот.
