Овој викенд се играат натпреварите од 4. коло на Првата ракометна лига на Македонија, а во рамки на групата А ланскиот суперлигаш Еурофарм Пелистер 2 однесе висока и убедлива победа откако славеше со 17:32 над Металург РА.
На средбата во Автокоманда најдобар стрелец кај битолчани беше Стефан Дрогришки со осум погодоци, а пак кај домаќинот Филип Петровски со шест погодоци.
Драчево на домашен темеч загуби од екипата на Младост од Богданци со резултат од 25:31, во меч каде Кристијан Ташевски со пет гола беше најдобар стрелец кај домаќинот, додека пак кај амбициозниот Младост кој и оваа сезона ќе напаѓа за влез во Суперлигата беше Антонио Николоски со осум гола.
Ланскиот суперлигаш Скопје со 36:32 запиша триумф над Шампион, а на овој меч Александар Грујевски имаше осум погодоци за победничкиот тим, а пак Бојан Чакалиќ седум, за гостинскиот тим најмногу се истакна Илија Пејковски со девет гола.
Колото беше отворено со мечот меѓу ланскиот суперлигаш Вардар Неготино и Преспа Вардар од Ресен во меч каде домаќинот беше пресилен и убедлив со 40:29.
За домашниот тим Мирослав Митевски со 12 гола беше најдобар стрелец, а пак за гостинскиот тим најмногу се истакна Александар Филиповски со 11 гола.
Колото се комплетира денес со три натпревари. Тешекстиелц во Штип игра против Македонија ЃП, Астраион во Струмица против Јехона од Гостивар, а пак Кичево на домашен терен со Аеродром.
