Трета лигаФудбал

Адмир Угљанин го шокираше Превалец, Борец со висока победа, реми на Млекар и Тополка!

Сподели
ФОТО: Превалец - Питу Гули
Сподели

Превалец прокоцка два гола предност на домашен терен и на крајот мораше да се задоволи само со бод, откако одигра 2:2 против Питу Гули од Крушево во рамки на 2. коло од Трета лига – Југ.

Давид Спиридонов го отвори резултатот и донесе предност од 1:0 на полувреме, а Пеце Стојанов во вториот дел зголеми на 2:0. Но, вистински шок за домашните следуваше во завршницата – Адмир Угљанин со два брзи погодоци во 81. и 82. минута донесе реми за гостите и му ја расипа радоста на Превалец.

Башкими од Јаболчиште приреди голеада и го декласираше Младост од Кривогаштани со убедливи 6:0. Херој на мечот беше Аљбим Јашари со хет-трик, а Елфати Таировски, Лавдрим Лазами и Вергим Јајов додадоа по еден погодок. Интересно, сите голови беа постигнати уште во првото полувреме.

Минатогодишниот второлигаш Борец ја демонстрира својата сила и со 4:0 го совлада Влазними Јуниор. Милан Чичевски беше сигурен од белата точка, а Трајче Ѓорѓиевски и Илхан Имеров погодија до одморот за 3:0. Во вториот дел Теодор Мирчевски ја запечати убедливата победа.

Дербито на новите третолигаши меѓу Млекар и Тополка заврши без победник (1:1). Гостите поведоа преку Бесник Муртезани во 23. минута, но Зоран Котески во 48. минута од пенал донесе израмнување.

Во Долни Дисан, Венес и Росоман приредија вистински трилер кој го одбележаа автогол и два црвени картони. Александар Трајков несреќно си постигна автогол уште во 3. минута, а Мартин Цветков израмни на 1:1. Потоа следуваше шоу на Слободан Дуков, кој со два гола донесе 1:3 на полувреме. Во финишот, Стефан Костовски (Росоман) и Горан Цветков (Венес) заработија директни црвени картони, а во судиското надополнување Марјанчо Илов намали за конечни 2:3.

Ултрас убедливо го совлада Бучин со 4:1. Дарио Наумоски постигна два брзи гола, а веќе во 11. минута Бобан Тошески зголеми на 3:0. Дино Варошаноски во 25. минута погоди за 4:0, а Бојан Мицески во 36. минута го постави конечниот резултат.Адмир Угљанин го шокираше Превалец, Борец со висока победа, реми на Млекар и Тополка!

Во рамки на второто коло слободна беше екипата на Дреново, која требаше да игра со откажаната Слога.

Поз. Клуб ОН Поб Н Пор ПОС ПРИ ГР БОД
1 ФК УЛТРАС ➖ 2 2 0 0 8 1 +7 6
2 ФК РОСОМАН-83 ➖ 2 2 0 0 4 2 +2 6
3 ФК ПРЕВАЛЕЦ ➖ 2 1 1 0 8 2 +6 4
4 ФК ПИТУ ГУЛИ ➖ 2 1 1 0 7 2 +5 4
5 ФК БАШКИМИ 2008 ➖ 1 1 0 0 6 0 +6 3
6 ФК БОРЕЦ 1919 АД ➖ 2 1 0 1 4 1 +3 3
7 ФК Бучин ➖ 2 1 0 1 2 4 -2 3
8 ФК Влазними Јуниор ➖ 2 1 0 1 2 4 -2 3
9 ФК ТОПОЛКА ➖ 2 0 1 1 1 3 -2 1
10 ФК МЛЕКАР ➖ 2 0 1 1 1 7 -6 1
11 ФК СЛОГА 1976 ➖ 0 0 0 0 0 0 0 0
12 ФК ВЕНЕЦ с.Долни Дисан ➖ 2 0 0 2 2 4 -2 0
13 ФК ДРЕНОВО 2016 ➖ 1 0 0 1 0 5 -5 0
14 ФК МЛАДОСТ 1930 ➖ 2 0 0 2 0 10 -10 0
Сподели
Напишано од
Виолета Јанчева -

Виолета Јанчева е поранешна фудбалерка која настапувала за неколку екипи од Првата македонска женска фудбалска лига. Одлично го познава македонскиот фудбал, но генерално и македонскиот спорт.

Не пропуштајте

Втора лигаФудбал

Охрид го чува врвот, Кожуф ја изненади Брера, Осогово на бод до Новаци

Охрид, Пелистер и Работнички со победи ја продолжија трката на врвот во Втората македонска фудбалска лига. Саботната програма од 12. коло донесе гостински...

РепрезентацијаФудбалска репрезентација

Познати термините за баражот на Македонија против Кипар

По жрепката во Нион, УЕФА ги одреди и термините за одигрување на бараж натпреварите во сите конкуренции од Лигата на нации. Првиот дуел...

Поврзани написи
Втора лигаФудбал

Охрид го чува врвот, Кожуф ја изненади Брера, Осогово на бод до Новаци

Охрид, Пелистер и Работнички со победи ја продолжија трката на врвот во...

ФудбалФутсал

Кратово се израдува на првата сезонска победа откако ја декласираше Победа, Мартин Мишевски со пет гола

Футсалците на Кратово стигнаа до својата прва сезонска победа оваа сезона откако...

ФудбалФутсал

Црна Река како фаворит ќе го пречека дебитантот Шутка 1 во „Јасмин“

Црна Река утре на домашен терен во спортската сала „Јасмин“ во Кавадарци...

✕
error: Содржина е заштитена! Се забранува копирање на истата!