Вардар ја запиша третата победа во Супер лигата, совладувајќи го Охрид со 33-31 во возбудливо дерби. Иако „црвено-црните“ имаа предност и до четири гола, Охрид се врати во игра и во финишот се влезе со изедначени 31-31. Гостите не реализираа неколку шанси, што Вардар знаеше да го казни и да стигне до триумфот.
Вардар настапи без неколку повредени играчи – Кеита, Еспиња, Лазаревски и Стаменковиќ, додека Валах и Пинто исто така отсуствуваа. Тренерот на Охрид, Ројевиќ, не ги користеше Цирар, Шипинкоски, Трајчески и Бојаниќ.
Искусниот шпански дефанзивец- Ориол Реј Моралес, даде своја анализа за Спортска Мрежа, по поразот на неговиот тим, нагласувајќи дека клучот за неуспехот биле грешките во одлучувачките моменти и недоволната концентрација во одбраната.
„Генерално, натпреварот беше многу нерешен. Во нападот, мислам дека игравме многу добро, но неколкуте грешки во клучните моменти нè осудија. Во одбраната бевме само 10 минути подготвени со 100%, што дефинитивно не е доволно за да се победи толку добар тим,“ изјави Моралес по натпреварот.
Тимот сега ќе се обиде да ги поправи слабостите пред следниот предизвик, со цел да се врати на победничките патеки.
