В недела ќе се играат натпреварите од шестото коло на Првата женска фудбалска лига, а веќе се познати и судиите за оваа рунда.
Натпреварот во Струмица меѓу Тиверија Брера и Каменица Саса ќе го суди Ангел Гелов од Кавадарци, а ќе му помагаат Давор Дишлиевски од Кавадарци и Ване Данилов од Неготино, а пак Сашо Иванов од Штип ќе биде контролор.
Игор Иванов од Велес ќе ја дели правдата на мечот меѓу Кочани и Истатов, а негови помошници ќе бидат Александар Ајдаров и Роберт Црвенов од Велес, а контролор ќе биде Делчо Јакимовски од Скопје.
Влатко Илиоски од Прилеп ќе биде задолжен за правдата на натпреварот меѓу Топ Гол и Вардар во Битола, а ќе му помагаат Ангела Домазетовска од Битола и Дино Конески од Прилеп.
Пеце Карапалевски од село Волкодери од Ресен ќе биде контролор.
На средбата меѓу Скопје и Ас Јунајтед во Пржино правда ќе дели Вјолца Изеири од Гостивар, а нејзини асистенти ќе бидат Цветанка Савеска од Јегуновце и Тамара Цветановиќ од Скопје.
Контролор ќе биде Петре Илиоски од Прилеп.
Иле Никодиноски од Скопје ќе им суди на Речица и шампионот Љуботен, Зоран Саздовски од Скопје и Филип Ицковски од Скопје ќе биде помошници.
Контролор ќе биде Бранко Величковски од Крива Паланка.
