Превалец е есенски шампион во Трета лига – Југ, Росоман со победа ја заврши 2025 година!

Екипата на Превалец е есенски шампион во Третата македонска фудбалска лига – Југ, откако во последното есенско коло со 1:8 го декласираше „фенерџијата“ Дреново. Натпревар кој го одбележа три црвени картони, а мечот беше прекинат во 70. минута кога домашниот тим остана без доволен број на играчи.

Победата беше најавена уште во првиот дел со 0:5 на полувреме, кога Марјан Стефановски во 7. минута ја отвори голеадата, хет-трик во првиот дел постигна Стефан Коџабанов, а гол даде и Ристе Крстев.

Во 30. минута од средбата при 0:5 црвени картони кај Дреново добија Амет Мемедов и Андреа Велјанов, а пак кај гостинската екипа црвен картон заработи голманот Ратко Јовановски, а сите црвени картони беа доделени поради удирање на друг играч во прекин.

„Во 30тата минута при еден старт од гостински играч со број 8 настана гужва во која имаше обострано удирање на играчите со број 4 и 2 од домашните и број 35 од гостите по што истите беа исклучени со црвени картони и натпреварот продолжи“, вака е заведено во записникот.

Во вториот дел Берхан Мемедов погоди за 1:5, а потоа Превалец дојде преку нови три гола преку Александар Јордановски, Александар Крстевски и Јосиф Манасиев.

Во 70. минута натпреварот беше прекинат кога домашната екипа остана со шест играчи поради повреди и немање на доволен број на играчи.

„Во 70тата минута домашната екипа остана на теренот со 6 играчи (поради повреди) и натпреварот беше
прекинат поради немање доволен број на играчи за да продолжи натпреварот“, е наведено во записникот.

Млекар позитивни ја заврши 2025 година благодарение на голот Зоран Котески за победа над Влазними Јуниор во гости.

Екс второлигашот Росоман со 0:3 славеше над Тополка во гости благодарение на головите на Петар Николов и Кадир Куртишов во првиот дел, како и голот на голгетерот Слободан Дуков постигнат во 59. минута.

Ланскиот второлигаш Борец со 4:0 славеше на домашен терен над Бучин и сосема очекувано ги обезбеди трите бодови. Марко Миловановиќ и Илхан Имеров беа стрелци за 2:0 на полувреме, а во вториот дел Милан Чичевски и Марко Јанковски ги поставија конечните 4:0.

Трите бодови останаа во Долни Дисан откако во судиското надополнување Венец постигна два гола за славје над Младост од 2:0.

Александар Стојаноски во 91. минута поради втор жолт картон беше исклучен од игра со што гостинот од Кривогаштани остана со играч помалку на теренот, а Атанас Таневски покажа на белата точка за домашниот тим.

Марјанчо Илов беше сигурен реализатор за отварање на резултатот од 1:0, а по една минута игра гостинскиот голман Димитар Нешкоски капитулираше уште еднаш за конечни 2:0 откако погоди Горан Цветков.

Питу Гули загуби на гостувањето во Чашка кај Башкими од Јаболчиште со 2:0. Двата гола беа постигнати во првиот дел отка