Фудбалската федерација на Македонија ги објави имињата на официјалните лица за натпревари од 7. коло на Првата лига.
Дербито меѓу Шкупи и Македонија ЃП на стадионот во Чаир ќе го води Фуркан Идризи, кому ќе му асистираат Владимир Митревски и Јовче Кокевски. Четврти судија е Владимир Ѓорѓиевски, додека за ВАР технологијата ќе се грижат Никола Костенчев и Дарко Видиниќ, со поддршка од операторот Деан Стефков. Натпреварот е доверен на делегатот Славе Ѓоргоски и контролорот Горан Спиркоски.
Во Тетово, каде Шкендија го пречекува Тиквеш, главната свирка ќе ја има Александар Грујоски. На аут-линиите ќе бидат Давор Цветаноски и Мартин Дејаноски, додека четврти судија е Александар Урошевиќ. ВАР екипата ќе ја сочинуваат Фатмир Бафто и Мишо Ѓорѓиески, а за повторувањата ќе се грижи Матеј Димитриевски. Делегат на натпреварот е Жанко Савов, со контролор Јосип Бартон.
Големиот дуел меѓу Вардар и Работнички на арената „Тодор Проески“ ќе го суди Игор Стојчевски. Негови асистенти се Гоце Петрески и Мартин Петковски, а четврти судија Крумислав Ѓоргиев. ВАР собата ќе ја предводат Доне Ристовски и Тоше Ицев, а оператор е Диме Димовски. Делегат е Зоран Гелов, додека контролор Никола Караколев.
Во Кратово, на мечот меѓу Силекс и Струга Трим Лум, главен судија ќе биде Бењамин Ќерими, а негови асистенти Бранко Путилин и Бојан Иваноски. Четврти судија е Александар Василевски. За ВАР ќе се грижат Пларент Салихи и Вјолца Изеири, а за видео-технологијата оператор ќе биде Виктор Васев. Делегат е Гоце Ефтимов, а контролор Дејан Јакимовски.
Во Струмица, каде се среќаваат Брера и Аресими, главната одговорност ја има Влатко Илиоски. На страничните линии ќе бидат Борис Трајков и Иле Мишески, а четврти судија Кирил Смоквоски. Зад ВАР мониторот ќе бидат Стојанче Трпчевски и Мартин Дејаноски, додека оператор е Петар Мукоски. Делегат на натпреварот е Тони Петков, а контролор Иса Емурли.
Последниот дуел во Битола, меѓу Пелистер и Башкими, ќе го води Димитар Пилешков. На аут-линиите ќе делуваат Кристијан Џонов и Ристо Ѓорѓиев, со Стојанче Стојанов како четврти судија. ВАР тимот го сочинуваат Игор Стојчевски и Фуркан Идризи, а Дејан Костовски е задолжен за повторувањата. Делегат е Емин Кранли, а контролор Марјан Кировски.
