Во просториите на Општинскиот фудбалски сојуз (ОФС) Струмица, на клубовите кои ќе се натпреваруваат во Општинската лига им беа доделени фудбалски топки како донација од Фудбалската федерација на Македонија (ФФМ).
Со оваа поддршка, ФФМ уште еднаш покажа дека се грижи и за нисколигашките екипи, овозможувајќи им подобри услови за подготовка и натпреварување во новата сезона.
Од ОФС Струмица изразија голема благодарност до претседателот на ФФМ, Масар Омерагиќ, со надеж дека оваа соработка ќе продолжи и во иднина на уште повисоко ниво.
По неколку години пауза се враќа Општинската фудбалска лига во Струмица, а во која ќе се натпреваруваат седум екипи Во ОФЛ Струмица ќе се натпреваруваат екипите на Ново Село, Куклиш, Дрвош, Напредок од Радово, Балдовци, Пиперово и Добрејци, како и екипата на Слога од радовишкото село Злеово.
