Дебитантот Вардар ја забележа историската прва победа во Првата женска фудбалска лига, откако славеше со минимални 1:0 над Кочани во дербито од дното на табелата.
Минимална, но голема и значајна победа – победничка атмосфера во соблекувалната каде се слави името на Љубица Асановиќ, која е стрелец на единствениот победнички гол со што Вардар испиша историја – прва победа и први три бодови како прволигаш.
Девојките на Теодора Димитровска имаат причина за голема радост, но веќе фокусот се става на следниот натпревар, а тоа е гостувањето во Битола кај Топ Гол, каде Вардар има одново идеална шанса за триумф.
Причината за лошите резултати во првите четири кола беа и фактот што Вардар немаше многу време за подготовки и воигрување, особено со новите засилувања, бидејќи започна после првото коло по откажување на Атлетико од натпреварување, а секако и густиот распоред имаше своја причина за слабиот старт, но веќе Вардар после овој триумф влегува во ритам.
