Утре (четврток) од 13:00 часот на Градскиот стадион во Радовиш ќе се одигра вториот пријателски натпревар меѓу младите репрезентации на Македонија и Кипар (до 17 години).
Во првиот дуел одигран во понеделник, гостите од Кипар славеа со минимални 0:1. Средбата, покрај резултатот, ја одбележа и несреќната повреда на македонскиот репрезентативец Сонер Рекипи, кој веднаш беше пренесен во радовишката болница.
Македонија утре ќе има нова можност за да покаже повеќе и да стигне до подобар резултат пред својата публика. Радовиш повторно ќе биде домаќин на репрезентативен фудбал, потврдувајќи ја традицијата започната неодамна со натпреварот на македонската репрезентација до 19 години против Босна и Херцеговина.
