Екипата на Тинекс Пролет со триумф ја отвори новата сезона во ракометната Суперлига, совладувајќи го тимот на Тиквеш со 22-19 (12-10) во возбудлив натпревар одигран во Автокоманда. Домаќините имаа водство во поголемиот дел од мечот, но мораа да покажат карактер за да го скршат отпорот на жилавиот противник од Кавадарци.
Пролет подобро го отвори дуелот и со серија голови на Стоилевски и Мајнов поведе со 8-4, но Тиквеш преку Коцев и Манасков се врати во игра и на полувреме замина со негатива од само два гола (12-10). Во вториот дел гостите израмнија на 15-15, но токму тогаш блесна голманот Бојан Солев, кој со серија на одбрани го сопре налетот на кавадарчани.
Стоилевски беше најпрецизен од седум метри, Глигоров и Андоновски погодуваа во клучни моменти, а цврстата одбрана на домаќините ја обезбеди победата. Во финишот, Тиквеш преку Коцев и Манасков се обидуваше да се врати, но избраниците на тренерот Матлиески искусно го контролираа темпото до самиот крај.
Никола Стоилевски беше најдобар стрелец за Тинекс Пролет со 7 голови, додека Бојан Солев блесна на голот со 13 успешни интервенции. Кај Тиквеш се истакнаа Димитар Коцев со 5 и Мартин Манасков со 4 погодоци.
