Прва лигаФудбал

Струга Трим Лум со историска „петарда“ – Башкими немоќен во Куманово

Сподели
ФОТО: ФК Струга Трим Лум
Сподели

Екипата на Струга Трим Лум продолжува со својата доминација во Првата македонска фудбалска лига, забележувајќи ја и четвртата победа од исто толку одиграни натпревари на стартот од сезоната.
Поранешниот шампион во 4. коло на гостувањето во Куманово го совлада Башкими со убедливи 0-5, што е најголемата гостинска победа во историјата на клубот во елитата.

Натпреварот започна отворено, но клучниот момент се случи во 23. минута, кога офанзивецот на Башкими, Марко Симоновски, по груб старт над Гледи Мици со помош на ВАР беше исклучен. Од тој момент, на теренот постоеше само една екипа – Струга Трим Лум.

Само минута подоцна, Камил Компаоре ја отвори серијата голови за 0-1, а во 35. минута по асистенција на Буњамин Шабани, Марјан Радески зголеми на 0-2.

Во второто полувреме, Струга го потврди своето супериорно темпо. Во 56. минута Компаоре со својот втор гол донесе водство од 0-3, а во 68. минута капитенот Шабани реализираше по брза контра за 0-4. Конечните 0-5 ги постави Христијан Малески во 87. минута.

Со овој триумф, Струга Трим Лум останува тим со максимален ефект – 12 бодови од четири натпревари и вкупна гол-разлика 12:1, потврдувајќи ја својата улога како главен фаворит за одбрана на титулата.

Во следното 5. коло, по репрезентативната пауза, Струга Трим Лум ќе ја пречека екипата на Шкупи, додека Башкими гостува кај Вардар во Скопје.

Сподели

Не пропуштајте

Ракомет

Алкалоид сака европско продолжение по големиот триумф над Пелистер!

Ракометарите на Алкалоид со позитивна атмосфера и дополнителна самодоверба го очекуваат следниот европски предизвик, откако остварија значајна победа во дербито против Еурофарм Пелистер....

Ракомет

Блажески за Спортска Мрежа: Фаворити сме, но мораме да дадеме 100% на двата натпревари!

ГРК Охрид го очекува нов европски предизвик во третото коло од ЕХФ Европскиот Куп, каде што за противник го има литванскиот Драгунас Клаипеда....

Поврзани написи
Втора лигаФудбал

Величков ќе суди во Битола, Ралевски го доби дербито Охрид – Беласица: Познати судиите за 12. коло во Втора лига

Фудбалската федерација на Македонија ги одреди судиите и службени лица за седумте...

Прва лигаФудбал

Седум бода од три меча: Башкими ја засили битката за опстанок со победа во Чаир над Шкендија Арачиново

Башкими ја продолжи добрата резултатска серија и со гостинска победа од 0:1...

Фудбал

Чеферин: Со Масар имаме одлична соработка, македонскиот фудбал е во добри раце

Претседателот на Европската фудбалска унија (УЕФА), Александар Чеферин, во интервју за Фудбалската...

ФудбалЧетврта лига

Спортска Мрежа дознава: Готен службено го доби мечот со Слога Злеово, три бодови во Подареш

Според ексклузивно информации на Спортска Мрежа вечерва и официјално беше донесена одлука...

✕
error: Содржина е заштитена! Се забранува копирање на истата!