ФК Пелистер пред Дисциплинска комисија поради навреди од навивачи

По пријава од делегатот на натпреварот помеѓу ФК Пелистер и ФК Шкупи, Комисијата за натпревари при Фудбалската федерација на Македонија (ФФМ) го предаде случајот на понатамошна постапка во Дисциплинската комисија.

Причината за постапката е навредливо скандирање од страна на дел од навивачите за време на натпреварот, кој се одигра во рамките на 3. коло од Првата македонска фудбалска лига (ПМФЛ).

Дисциплинската комисија ќе го разгледа случајот и ќе донесе одлука согласно правилниците на ФФМ.