Пелистер денес во Кавадарци го пречекува Шкупи во меч од 3. коло на Првата лига.
Фудбалерот на Пелистер, Лука Булатовиќ, го најавува мечот против тимот од Чаир.
Битолчани по победата над Брера во Струмица, сега целат кон триумф и три бодови против Шкупи.
„Од мој агол, не ја познавам екипата на Шкупи доволно добро. На нас е да се подготвиме и да влеземе во овој натпревар како и во секој друг – максимално мотивирани, со јасна цел да го покажеме нашиот квалитет. Верувам дека имаме сериозен потенцијал и дека можеме да одиграме на високо ниво. Важно е од самиот почеток да наметнеме наша игра, да ја задржиме концентрацијата и да бидеме компактни во сите линии на тимот“, изјави Лука Булатовиќ.
Натпреварот започнува во 17 часот.
