Ракометарите на РК Младост од Богданци ја забележаа првата победа во третиот контролен меч од летните подготовки, совладувајќи го суперлигашот РК Радовиш со убедливи 38-28 (полувреме 18-13).
Тренерот Горан Андоновски им даде шанса на сите ракометари од ростерот, а публиката имаше можност да го види и деби настапот на новото засилување, бразилскиот интернационалец Жоао Габриел.
Тој веднаш остави силен впечаток, демонстрирајќи лидерски квалитети и прецизност пред голот, реализирајќи 2/2 шутеви.
Младост продолжува со подготовките за претстојната сезона, а следниот тест ќе го има на домашен терен, кога во среда од 20:00 часот ќе го пречека суперлигашот МРК Куманово.
