ЖФК Каменица Саса продолжува со градење на конкурентен тим за новата сезона во македонскиот шампионат. Клубот од Македонска Каменица го претстави најновото засилување – бугарската репрезентативна голманка Роксана Шаханска.
Искусната 33-годишна голманка пристигнува од редовите на белградска Црвена Звезда, каде што со своите одбрани остави силен впечаток. Во својата кариера има настапувано и за репрезентацијата на Бугарија, со која запиша бројни настапи и беше дел од квалификациски циклуси за големи натпреварувања.
Со своето искуство, и квалитет на теренот, Шаханска се очекува да донесе дополнителна сигурност во последната линија на Каменица Саса и да биде една од носителките на играта во битката за врвот на табелата.
Со вакви засилувања, клубот ја покажува својата сериозна намера дека ќе се бори за највисоките позиции и дека ќе биде меѓу главните фаворити за освојување на трофејот во женскиот фудбал во Македонија.
