Стартува четвртфиналето на турнирот во Подареш, а возбудувањата продолжуваат утре откако петокот и саботата беа слободни денови на „Подареш 2025“.
Утре на програмата ќе бидат два натпревари, од 21 часот Даниел Инженеринг оди на мегдан со Атанасов Градба, а победникот од овој дуел ќе обезбеди билет за влез во полуфиналето.
Во вториот меч мега дерби на две ефикасни екипи кога се во прашање погодоците, Оливер Промет ќе се соочи со Конзул Транс.
Најдобар стрелец после осминафиналето на турнирот во мал фудбал „Подареш 2025“ е Никола Божинов од екипата на Оливер Промет со осум постигнати погодоци, додека пак второто место го делат Живко Крстев од екипата на Еуро Дом и Сабри Садилов од екипата на Оливер Промет со по четири погодоци.
Во четвртфиналето Фурна Марфи ќе оди на мегдан со Дивино Босилово, а пак Ан Са и Перо и Тајфата против Еуро Дом.
Во однос на резултатите од четвртокот за комплетирање на осминафиналето. Екипата на Фурна Марфи однесе висока победа, откако популарните „радовишки сомуни“ го декласираа тимот на Бунарџик 8:4, а висока победа однесоа и „шлеперите“ на Конзул Транс против Ас Мк Подареш со 10:2.
Големо изненадување направи Атанасов Градба Подареш откако го исфрли фаворитот Фреит Оне 3:1.
Спортска Мрежа е медиумски покровител на овој спортски настан по првпат годинава.
